ವಾಹನಗಳು ಪರ್ಯಾಯ ರಸ್ತೆಗಳ ಮೂಲಕ ಸಂಚರಿಸುವಂತೆ ಅಪರ ಜಿಲ್ಲಾಧಿಕಾರಿ ಆದೇಶ

ಬೀದರ, ಮಾರ್ಚ.20 (ಕರ್ನಾಟಕ ವಾರ್ತೆ):- ಅರಣ್ಯ, ಜೀವಿಶಾಸ್ತ್ರ ಮತ್ತು ಪರಿಸರ ಹಾಗೂ ಬೀದರ ಜಿಲ್ಲಾ ಉಸ್ತುವಾರಿ ಸಚಿವರಾದ ಈಶ್ವರ ಬಿ.ಖಂಡ್ರೆ ಅವರಿಗೆ ಅಖಿಲ ಭಾರತ ವೀರಶೈವ ಮಹಾಸಭಾದ 24ನೇ ರಾಷ್ಟ್ರೀಯ ಅಧ್ಯಕ್ಷರಾಗಿ ನೇಮಕವಾಗಿರುವ ಪ್ರಯುಕ್ತ ವೀರಶೈವ ಲಿಂಗಾಯತ ಮುಖಂಡರು 2026ನೇ ಮಾರ್ಚ್.22 ರಂದು ಸಾಯಂಕಾಲ 4 ಗಂಟೆಗೆ ಬೀದರ ನಗರದ ಕರ್ನಾಟಕ ಫಾರ್ಮಸಿ ಕಾಲೇಜಿನ ಆವರಣದಲ್ಲಿ ಅಭಿನಂದನಾ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದ್ದು, ಈ ಪ್ರಯುಕ್ತ ಮಾರ್ಚ್.22 ರಂದು ಸಾಯಂಕಾಲ 3 ರಿಂದ ಅಭಿನಂದಯಾ ಕಾರ್ಯಕ್ರಮ ಮುಗಿಯುವವರೆಗೆ ನಗರದ ಕೆಲ ರಸ್ತೆಗಳಲ್ಲಿ ಸಂಚಾರ ನಿರ್ಬಂಧಿಸಲಾಗಿದೆ. ಸಂಚಾರಿ ಮಾರ್ಗಗಳನ್ನು ಬದಲಾಯಿಸಿ ಪಯಾಯ ರಸ್ತೆಗಳ ವ್ಯವಸ್ಥೆಯನ್ನು ಮಾಡಿ ಅಪರ ಜಿಲ್ಲಾಧಿಕಾರಿ ಶಿವಾನಂದ ಬಿ.ಕರಾಳೆ ಅವರು ಆದೇಶಿಸಿದ್ದಾರೆ. 

 ಸಂಚಾರ ಬದಲಾಯಿಸಿದ 

ಮಾರ್ಗಗಳ ವಿವರ: 

(1) ಬೀದರ ನಗರದಿಂದ ಗುಂಪಾ ಕಡೆ ಹೋಗುವ ವಾಹನಗಳು-ಬಸವೇಶ್ವರ ವೃತ್ತ, ಪೊಲೀಸ್ ಚೌಕ, ಶಾಹಪೂರ ಗುಂಪಾ ರಿಂಗ್ ರೋಡ ಮೂಲಕ ಹೋಗುವುದು/ಬರುವುದು. 

(2) ಗುಂಪಾ ಕಡೆಯಿಂದ ಹೊಸ ಬಸ್ ನಿಲ್ದಾಣಕ್ಕೆ ಹೋಗುವ ವಾಹನಗಳು-ಗುಂಪಾ ರಿಂಗ್ ರೋಡ್, ಮೈಲೂರ ರಿಮಗ್ ರೋಡ್, ಚಿದ್ರಿ ರಿಂಗ್ ರೋಡ, ಹಳೆ ಆರ್‌ಟಿಓ ಕಛೇರಿಯ ಹತ್ತಿರದಿಂದ ಹೋಗುವುದು/ಬರುವುದು. 

(3) ಬೀದರ ಹೊಸ ಬಸ್ ನಿಲ್ದಾಣದಿಂದ ಹೈದ್ರಾಬಾದ ಕಡೆಗೆ ಹೋಗುವ ವಾಹನಗಳು-ಮಡಿವಾಳ ವೃತ್ತ, ಸಿದ್ದಾರ್ಥ ಕಾಲೇಜ ಕ್ರಾಸ್, ಚಿಕ್ಕಪೇಟ್ ರಿಂಗ್ ರೋಡ್ ಮೂಲಕವಾಗಿ ದೇವದೇವ ವನದ ಹತ್ತಿರದಿಂದ ಹೊಗುವುದು/ಬರುವುದು.